Kryetari i Gjykatës Supreme, Fejzullah Rexhepi, Kryesuesi i Këshillit Gjyqësor të Kosovës (KGJK), Albert Zogaj si dhe Kryetari i Komisionit për monitorimin, vlerësimin dhe raportimin e Planit Strategjik për Përmirësimin e Qasjes në Drejtësi dhe Planit Strategjik për Efikasitetin e Trajtimin të Rasteve të Korrupsionit, Keqpërdorimit të Detyrës Zyrtare dhe Krimit të Organizuar, Afrim Shala, kanë vizituar sot Gjykatën Themelore në Prizren,  Degën në Suharekë, me ç’rast janë pritur nga Kryetarja e Gjykatës znj. Shpresa Emra, Gjyqtari mbikëqyrës Selajdin Gallapeni, dhe janë zhvilluar takime me të gjithë Gjyqtarët.

Qëllimi i kësaj vizite ishte monitorimi i implementimit të planeve strategjike, vlerësimi i progresit në zgjidhjen e lëndëve, rritjes së performancës, uljes së numrit të lëndëve të pazgjidhura dhe realizimit të normës së lëndëve. 

Gjatë këtyre vizitave, u vlerësua përkushtimi dhe angazhimi i Gjykatës Themelore në Prizren dhe degët, në rritjen e efikasitetit dhe përmirësimin e performancës së gjykatës dhe degët përkatëse. 

Statistikat për tremujorin e parë të vitit 2025, krahasuar me periudhën e vitit të kaluar dhe realizimi i normës për vitin 2024, reflektojnë angazhimin e stafit gjyqësor dhe efektivitetin e masave të ndërmarra për përmirësimin e sistemit gjyqësor.

Kryetarja znj. Emra i njoftoi me gjendjen dhe ngarkesën me lëndë në Gjykatën Themlore në Prizren, në Divizionin Penal dhe Civil, dhe me ritmin aktual të punës që tejkalon normën 150% të zgjidhjes së lëndëve, deri në fund të vitit Gjykata do të jet në gjendje të zbatojë në plotni planet strategjike.

Pas takimeve, u vizitua edhe objekti në ndërtim e sipër për Gjykatën Themelore në Prizren.