Ymer Hoxha

Ymer Hoxha ka qenë kryetar i Gjykatës Themelore  të Prizrenit .Hoxha ka diplomuar në fakultetin Juridik të Universitetit të Prishtinës në vitin 1979, kurse provimin e jurispodencës e kreu në vitin 1983. Praktikën profesionale e kreu në Gjykatën e Qarkut në Prizren nga viti 1979 deri më 1980. Prej vitit 1980 deri në vitin 1982  punoi si srekretarë në Burgun e Qarkut në Prizren, prej vitit 1989 deri më 1992 punoi si gjyqtar në Gjykatën e Qarkut në Prizren, ndërsa prej vitit  1992 deri në vitin 1999 jurist në Kompaninë Private,,Shkoza,, në Prizren, në vitit 1999 deri në vitin 2004 punoi si gjyqtar i Gjykatës së Qarkut në Prizren.Në vitin 2001 u zgjodh Anëtar i Bordit të Shoqatës së Gjyqtarëve të Kosovës. Në vitin 2004 u zgjodh Kryetar i Gjykatës Themelore në Prizren. Në vitin 2005 Trajnues në IGJK. Anëtarë i Komisionit Zgjedhor për Parashtresa dhe Ankesa PZAP, në Prishtinë u zgjodh në vitin 2007, ndërsa në vitin 2010 u zgjodh anëtarë i Kryesis së Lidhjes së Juristëve të Kosovës. Në vitin 2012 Nënkryetar i Shoqatës së Gjyqtarëve të Kosovës. U zgjodh në vitin 2012  Anëtarë i Këshillit Drejtues të Institutit Gjyqësor të Kosovës, dhe tani Kryetar i Këshillit Drejtues të IGJK. Poashtu në vitin 2012 u zgjodh anëtar i Komisionit për Licensimin e Noterëve pranë Ministrisë së Drejtësisë. Me vendimin e Kryeministrit të Republikës së Kosovës me nr. 09/18 të datës 11.03.2015 është emëruar anëtarë i komisionit për hartimin e draftit të Kodit  Civil. Nga një Janari i vitit 2013 është riemëruar  kryetar i Gjykatës Themelore të Prizrenit pozitë të cilën e ka mbajtur deri në ditën e pensionimit.